Управниот одбор на словенечкиот холдинг „Истрабенз“ донесе одлука за продажба на една од неговите компании, „Дрога Колинска“.
Целта на ваквата одлука е да се обезбеди ликвидност на „Истрабенз“, како и стабилен развој на претпријатијата кои се дел од холдингот.
Холдингот „Истрабенз“ од јануари до септември годинава оствари приход од 472,9 милиони евра, што е за 11% повеќе од планираните и за 5% повеќе во однос на истиот период лани.
Вкупниот профит на холдингот е 29,9 милиони евра, а чистиот профит 12,2 милиони евра, што е помалку од планираниот, поради зголемените трошоци за камати и се уште не спроведената продажба на „Меркатор“, кој исто така е во сопственост „Истрабенз“.
Падот на цената на акциите на холдингот во текот на првите девет месеци од оваа година, резултираше со намалување на вредноста на инвестициите и на обемот на капиталот на „Истрабенз“.