На седница одржана на 17.09.2008 година Уставниот суд ја поништи одредбата од член 20 од Законот за измена и дполнување на Законот за данок на добивка (Службен весник на РМ број 160/07) со која се предвидуваше примена на поедноставен даночен режим, односно примена на Годишен данок на вкупен приход и за 2007 година иако тие влегoa во сила во 2008. Поништувањето е затоа што според Уставот, член 52, став 4, законите можат да предизвикаат правни последици само по нивното влегување во сила и во иднина, а не и ретроактивно. Ретроактивноста е дозволена само ако е поповолна за граѓаните. Со оглед дека новите правила не се поповолни за граѓаните, а законската одредба предвидуваше тие правила да се применуваат и пред влегувањето во сила, Судот ја поништи таквата одредба.

     Одлуката на Уставниот суд се уште не е објавена во Службен весник на РМ. По објавување на истата се очекува реакција на Министерството за финансии и соодветно упатство како ќе спроведе наведената одлука на Уставниот суд.